Inleiding

Hierdie bladsye gaan die tuiste wees van die fonts wat ek gemaak het.
Dit is maar 'n tydrowende storie om fonts te maak. Moet dus nie te haastig wees nie.

Hierdie fonts is gratis vir jou persoonlike, nie-kommersiële gebruik alleenlik. As jy hierdie fonts verder sou versprei, gee my asb. krediet, asook 'n skakel na my webwerf. Moet hulle asb. nie versprei sonder die read-me lêer, of aanbied op 'n CD of as deel van 'n kommersiële pakket nie.

Die keuse-knoppies hiernaas sal jou na 'n spesifieke bladsy toe neem. Die "Eng" knoppie sal jou na die Engelse ekwivalent van jou huidige bladsy neem.

Indien jy sou belangstel in die Mac weergawe van enige van hierdie fonts, kan jy maar net 'n e-pos stuur, en ek sal die font aanstuur.

NUUS

2 April '03: Die eerste maand van die domein se bestaan is verby, en alles het so goed afgeloop! The first month in the new home has passed. It all Weereens 'n groot dankie aan die ouens by GetMeHosted. Julle is SUPER! En nee, Maart was toe nie die maand van die beloofde alfabet font nie. Nee, dis weer 'n dingbat. *G* Hulle sê glo "It's hip to be square" maar julle sal maar self moet gaan kyk of julle saamstem.

3 Maart '03:Snuif! Ons webwerfie word so vinnig groot! Vir die tweede maand in 'n ry is die oordragkwota oorskry. Ek moes besluit of ek nog 'n maand gaan wag-en-kyk, of tog maar my eie domein kry. Wel, die domein het gewen. My senuwees was gedaan teen die einde van die maand terwyl ek die oordragmeter sit en dophou. Seker dis soos wat dit is om te sit en wag vir 'n tiener om huis toe te kom na 'n aand uit! *G*

In elk geval, ek behou die tweetalige aard van my werf. Die Afrikaanse gedeelte sal nog steeds huisves word deur virafrikaans, maar ek het die Engelse gedeelte geskuif na die nuwe tuiste. Indien enigiemand enige probleme het met navigasie of enigiets anders, laat my asseblief weet. Ons weet almal dat so 'n oorgangsperiode nie sonder sy probleme sal wees nie.

'n Fontmaker kan nie so 'n reuse stap laat verbygaan sonder om dit te vier nie, of hoe? My feesfont is SLBookArts, nog 'n dingbat. Ja, ek sal weer 'n alfabetfont maak. Sê net nie wanner nie....

20 Februarie '03: Veels geluk liewe sulucasfonts, omdat jy verjaar! Ja, dit is al 'n volle jaar, en om dit te vier het ek SLDividers op die Dingbats bladsy bygesit.

1 Februarie '03: Ek moet om verskoning vra vir my besoekers wat na die einde van Januarie se kant kom kuier het. Hierdie werf was op 24 Januarie tydelik opgehef, omdat ek my oordragkwota vir die maand oorskry het. Moet ek nou kan dink dat ek "arrive" het? *G* Maar 100MB is nie veel nie, en ek is besig om aan alternatiewe te werk om te voorkom dat dit weer gebeur.

1 Januarie '03: Die eerste dingbat vir die jaar, om almal 'n gelukkige en voorspoedige 2003 toe te wens. Miskien is my font-produksie beter in 2003, maar moenie asem ophou nie! *G*

16 Desember '02: Die nuutste dingbat is 'n spanpoging tussen my en Bella Morte. Sy het die karakters geteken, ek het hulle in 'n font omskep. Ons noem dit Junari Claws.

1 Desember '02: SL Zodiac Stencils is sopas op die Dingbats bladsy bygevoeg. Sowaar, en dit minder as 'n maand na die laaste een!

7 November '02: Baie mense het allerhande tegnieke gebruik om my so ver te kry om weer 'n font te maak. Mooipraat, skimpe, selfs dreigemente! LOL Die lewe is altyd te dol, en 'n mens te besig met ander dinge. Maar die nuus dat my eerste kuber-peetkind vandag gebore is, was genoeg om my te inspireer om hierdie een af te stof. SL Squiggles is op die Dingbats bladsy opgelaai.

21 Julie '02: Hoog tyd 'n nuwe font bysit, né! SL Mythological Silhouettes is bygevoeg op die Dingbats bladsy.

21 Junie '02: SL Safety is bygevoeg op die Dingbats bladsy. 'n Klein poginkie om te help om ons kinders meer veiligheidsbewus te maak.

31 Mei '02: Ek het 'n hardeskyf krisis gehad laas naweek, so daar is nie 'n font opgelaai nie. Was vir etlike dae sonder 'n rekenaar. Ek het SL Sign Language opgelaai, omdat daar soveel mense is vir wie die stryd om te kommunikeer nie net deur 'n nuwe hardeskyf reggestel kan word nie.

16 Mei '02: Winter het ons in al sy glorie getref. Ons kan dalk nog sneeu kry hierdie winter. Omdat ons nooit 'n wit Kersfees kan hê nie, het ek besluit om nou SL Christmas Silhouettes by te voeg op die Dingbats bladsy. Ons kan ons maar verbeel dis Kersfees. Dis definitief koud genoeg! *G*

10 Mei '02: Môre is Moedersdag, en dan is daar nie 'n beter font om by te voeg as "SL Kid's Alphabet" nie, nè. Dis dalk net vir my as ma van die kunstenaars pragtig, maar gan kyk maar vir jouself. Dit is daar op die Dingbats bladsy.

27 April '02: Vandag is Vryheidsdag hier in Suid Afrika, die ideale dag vir die her-vrystelling van Barbarello. Oorspronklik vrygestel in Mei 2001 by die 'Lab. Nou weer hier beskikbaar op die Fonts bladsy.

20 April '02: SL Woodcut Faeries is bygevoeg op die Dingbat bladsy.

12 April '02: 'n Splinternuwe font: BoereTudor, 'n font vir die ProGothics projek.

5 April '02: Vir die wat wonder oor die verskil tussen dingbats en dingfonts het ek 'n dingfont opgelaai om die verskil te illustreer.

30 Maart '02: Langnaweek beteken meer tyd om aan die webwerf en fonts te werk! Back to the Futurex is daar op die Fonts bladsy.

28 Maart '02: SL Star of David, ook op die Dingbats bladsy, betyds vir Pesach.

10 Maart '02: Nuutste byvoeging: SL Wash.ttf op die Dingbats bladsy.

20 Februarie '02: Die eerste font is gereed om afgelaai te word. Volg hierdie skakel om na die bladsy oor rotskuns in Suid Afrika te gaan, en die font af te laai.

Terwyl jy hier is, wil jy nie ook sommer my Gasteboek teken nie?

		Gratis aangebied deur virafrikaans.com.
		Hierdie webwerf is op sy beste met Internet Explorer 5.5+. Die ideale skermresolusie is 800x600 of 1024x768.

Hier was al

besoekers by Su's Fonts sedert 2/2/02.